Sunnudaginn 22. apríl 2012 efndu Hraunavinir, Fugla- og náttúruverndarfélag Álftaness og Félaga áhugamanna um sögu Bessastaðaskóla til göngu um Hraunin að Lónakoti.

Sunnudaginn 22. apríl verður næsta gönguferð FoNÁ. Gengið verður frá Straumi (bustabænum vestan við Straumsvík) um Hraunin að Lónakoti. Reynir Ingibjartsson höfundur bókanna 25 gönguleiðir á höfuðborgarsvæðinu og 25 gönguleiðri á Hvalfjarðarsvæðinu verður leiðsögumaður í ferðinni.

Afar vel rættist úr stjörnu'kvöldi' sem félögin tvö (FÁUSB og FoNÁ) efndu til í gær og lagðist þar allt á eitt.

Í Bessastaðakirkju mættu nær þrír tygir gesta og hlutuðu á Snævarr Guðmundsson, sem miðlaði okkur af mikilli kunnáttu og smitandi áhuga. Öllum til óblendinnar ánægju fór að rofa til í skýjarhulunni einmitt um það leyti sem Snævarr hafði lokið sínu fræðsluerindi í kirkjunni, en þungbúið hafði verið frá því um miðjan daginn og því afar tvísýnt um tilgang og áhuga fyrir seinni hluta dagskrárinnar. Engu að síður þáðu um helmingur gesta boð okkar í minnsta menningarhús höfuðborgarsvæðisins, Haukshús, endað lokkað með loforði um heitt kaffi / súkkulaði og þeir sem létu verða af því urðu svo sannarlega ekki fyrir vonbrigðum. Veðurguðirnir sviptu skýjarhulunni frá svo stjörnuhimininn blasti við í allri sinni dýrð, skreyttur sveipum norðurljósa. Snævarr hélt áfram að fræða hópinn sunnan undir húsvegg við Haukshús og leiðbeindi okkur um hvelfinguna. Þar sem aðstæður voru eins og best er á kosið, stillt og stjörnubjart, var bara notalegt að æfa svokallað stjörnuhopp og rýna í stjörnumerkin eitt af öðru, kryddað góðum sögum og vísindalegum staðreyndum. Ekki sakaði að þarna gafst öllum tækifæri til að spyrja nánar út í ýmis atriði sem gjarnan eru ekki eru alveg augljós við fyrstu nálgun. Ylurinn af heitu súkkulaði stuðlaði eflaust að því að síðustu gestirnir voru að kveðjast þegar komið var fram undir miðnætti.

Sævarr Guðmundsson á þakkir okkar allra skyldar fyrir leiðsögnina og Fugla- og náttúruverndarfélag Álftaness þakkar gestum, samstarfsaðilum, velunnurum (kirkjuþjóni og fjölskyldunni sem annaðist veitingarnar) og Sveitarfélaginu Álftanes stuðninginn.

Kynning á stjörnuhimninum og stjörnuskoðun

FoNÁ efnir til stjörnuskoðunar í samvinnu við Félag áhugamanna um sögu Bessastaðaskóla.
Dagskráin er opin öllum sem vilja meðan húsrúm leyfir og án endurgjalds.

Dagskráin hefst í Bessastaðakirkju, n.k. sunnudagskvöld 22. janúar klukkan 19:30 og þar mun Snævarr Guðmundsson landfræðingur kynna fyrir okkur stjörnuhimininn eins og hann birtist okkur í janúar.

Að fyrirlestri loknum verður farið vestur í Haukshús þar sem vænta má meira myrkurs. Ef veður leyfir verður þar rýnt í himinhvelfinguna og reynt að staðfesta og nefna það helsta sem sjá má og ræða um töfra stjarnanna.

Ætla má að dagskráin taki tvær klukkustundir, eða um klukkustundar viðveru á hvorum stað. Rétt er að hafa með sér sjónauka og þar sem kuldi getur smogið í merg og bein þegar fólk stendur kyrrt úti viljum við hvetja alla til að klæða sig vel. Í Haukshúsi verður heitt á könnunni og hægt að komast í skjól.

Auglýsing sem hentar til útprentunar er hægt að sækja hér [klikk] og má dreifa að vild.

Gengið verður um Garða- og Gálgahraunið skv. dagskrá FoNÁ sunnudaginn 7. nóvember .

Lagt verður af stað frá anddyri Álftanessundlaugar, en þar er ætlunin að hittast klukkan 13 og samræma akstur til og frá Hraunsvík. Þaðan verður gengið eftir svokölluðum Fógetastíg, eins og leið liggur yfir hraunið. Hugsanlegir útúrdúrar verða ákveðnir á staðnum.

Veðurútlitið er gott! Allir eru velkomnir í gönguferðir FoNÁ.
Gott er að vera vel skóaður og göngustafir geta komið sér vel.
U.þ.b. klukkutíma ganga er yfir hraunið.

Fjörudagurinn 2010 verður sunnudaginn 29. ágúst í Bakkafjöru (kort).

Dagskráin hefst þar klukkan 13.

Sjávarlíffræðingar mæta á staðinn og eins og endranær eru allir velkomnir.

Tilvalið er að taka frá daginn, ganga með fjölskyldunni og vinum og skoða og njóta fjörunnar.

Stjórn FoNÁ

Ákveðið hefur verið að efna til ljósmyndakeppni á vegum félagsins, í þriðja sinn.

Sunnudaginn 13. júní verður farið í gönguferð Fugla- og náttúruverndarfélags Álftaness. Farið verður frá anddyri Álftaneslaugar klukkan 13 og gengið út að Skansi og litið eftir varpfuglum.

Ákveðið hefur verið að fresta áformuðum viðburði í júní, sem vera átti n.k. sunnudag 6. júní skv. dagskrá árins 2010. Stefnt er að því að skoða varpfugla á Álftanesi sunnudaginn 13. júní, en nánari boð um það verða send öllum sem eru á póstlista félagsins og líka kynnt hér á vefsíðunni.

Undanfarin ár hefur Fugla- og náttúruverndarfélag Álftaness tekið þátt í hreinsunarátaki á Álftanesi. Að þessu sinni var ákveðið að nota formiddaginn n.k. laugardag, 15. maí.

FoNÁ er boðið svæðið umhverfis Kasthúsatjörn. Það er vinsælt varpland fyrir andfugla og því hefur morgunstundin nýst bæði til að snyrta svæðið og í leiðinni verið ánægjulegt tilefni til að fylgjast með varpfuglunum. Þannig má líta á hreinsunardaginn sem einskonar árlegan utan-dagskrár-viðburð sem FoNÁ býður sínum félögum að taka þátt í. Með þessum orðum hvetjum við alla sem hafa tækifærið til að taka þátt í þessu með okkur. Allar upplýsingar um fyrirkomulag hreinsunarátaksins koma fram í eftirfarandi - sem er tekið upp úr skeyti frá Íþrótta- og tómstundafulltrúanum: